ليش الواحد بعمل أشياء عارف تمام المعرفه انها رح تأذيه ومش لازم تنعمل؟
*****************************
ليش الواحد بستغل الناس اللي حاواليه .. وحتى بمص آخر نقطه من دمهم.. وبالاخر بنسحب بكل برود أعصاب؟ او حتى بكسّر .. وبنسحب وكأنه ما عمل اشي؟
*****************************
انا بس قاعد بطلّع من السيستم تبعي شوية أفكار .. اجا الوقت اللي انضج على اشلاءها
*****************************
مرات التضحية حلوة .. بتخلي الناس تشوفك بنكهة الورد الأبيض .. بس المشكله .. انتا نفسك .. وعلى قد ما بتكون مبسوط بتضحيتك .. بتنسى نفسك .. وحتى بتضيع نفسك .. وما بتعود تشوفها زي ما كنت تشوفها قبل.
*****************************
الانسان اللئيم .. المريض .. اللي نفسه ما بتصفى لحدا .. ولا بعرف يأمن بإشي لحدا .. كيف بعرف ينام بالليل؟
*****************************
يا بني آدم .. نظرتك الفوقيه للناس اللي حاوليك .. ما رح ترفع من مكانتك .. ولا رح تجيبلك منصب أو جاه.
*****************************
كان زمان .. الصبر مفتاح الفرج .. هسا صار الشر مفتاح الفرج.
*****************************
تبسمك في وجه اخيك صدقه .. او كما قال المثل .. لاقيني ولا تغديني .. ممكن نفكر بهالموضوع 5 دقايق؟
*****************************
الموسيقى .. بتغسل الروح .. بس يا ريت تفتح منافسك يا محمض.
*****************************
ينعن أطلس .. متى بده ينزل هالراتب .. ونشتري هالكاميرا .. والله نفسي صارت متقلعطه.
حاسس اني فاهم عليك ... بس هو هذا الشعور بدو شوية راحة و بيروح ان شاء الله
ReplyDeleteمرات الانسان بيستلذ بطعم شهادته في سبيل الآخرين ... شعور مازوشي حلو و انتا بتعيشه و زفت لما تتطلع لورا و تلاقي انو سرق منك ، عمرك ، وقتك ، مجهودك ، أو الناس اللي بتحبهم
والله إلك وحشة يا سنيور!!! الله يوفقك مطرح ما درت وجهك يا قرابتي
فشّة قلب و تفريغ مشاعر من الاخر :)
ReplyDeleteبس كله كوم وموضوع الكاميرا كوم.....قلّبت علي المواجع نزل الراتب و نزل اللي بعده واللي بعده و لسا هالكاميرا ما اجت
لولوياتي عم بتزيد و اولوية "لولوية" الكاميرا بتتراجع :(
@EvaLuna
ReplyDeleteوالله يا قرابه ..
الله لا يحطك .. ولا يحط حدا باللي مرقت فيه ..
الفضفوضه .. يمكن ما طلّعت عُشر اللي كان بده يطلع
بس بظل احسن من هالاشكال ...
ووحشتك اكبر يا سنيوره .. تسلمي يا اصيله ..
انشالله ربنا ما بحرمك من الخير .. ولا بقربك على اي شر او ابن حرام .. :)
@Whisper
ReplyDeleteشايفه بالله .. :D
ويسبر .. صحصحي ..
اذا ما بتعمليها .. ما رح تزبط لحالها ..
بدك تلملمي حالك واتغامري ..
ولما بتروحي تشتريها .. ما تفكري بلولويات .. بس فكري كم رح تنبسطي فيها .. وكم رح تبدعي .. وتنفسي عن حالك ..
;)